【工具】Gel Liner Show up

終於發現真係要用GEL LINER 先至令我黎D油眼人可以唔變熊貓眼，所以每天都要用劃GEL LINER 既掃，之前點解唔用，就係每次用完都要洗先可以再下次用，煩呀! 不過如果真係出黎既效果唔溶既，幾煩都要做架啦!

所以我又抽起晒手上既 GEL LINER PEN 等可以用多幾日先一次過清洗!

咁今次就做一做工具既Review

1. Mac #263
如果要劃Wing out eye liner 咁就用佢比較容易啦，因為佢有個角位可以好易就劃到個飛起既眼線! 佢既筆頭好軟熟，好易劃又唔會督到自己，幾滿意佢既設計。

2 . Nars #2
如果你係天生大眼既，可能用佢就可以好快手劃好眼線，但係我係正常既中國人，所以我用佢劃到眼邊時，會因為佢比較大支而好易督番自己。而且佢仲係咁多支之中最長果支，拎去旅行或者出街用都唔方便，唔Like佢!

3. Bobbie Brown - Ultra Fine Eye Liner (舊版 )
如果未有支新版既話，佢都係最好既一支，但係雖然只係少少既改良，又再提升左支筆既質數，真係估你唔到!

4. Bobbie Brown - Ultra Fine Eye Liner (新版 )
新同舊版 有咩分別，新版再好劃D，個頭仲再尖少少，就係果少少既分別可以令成件事又再加強左，易劃左!

5. Bobbie Brown - Travel size Ultra Fine Liner
都唔記得幾時買定係送既，比正常既短身，出門去旅行用會方便好多，但係唔明點解佢同支正版既都唔一樣但係個名又叫Ultra Fine Liner ???

6. Bobbie Brown - Travel Size Eye Liner
係最最最舊既一支，用佢劃時條眼線會粗少少，但係可以接受既程度黎既，不過我個人喜愛支新既 Ultra Fine Eye Liner 多D。

7. Sonia Rykeil - Gel Eye Liner 跟既筆
係買佢既 Eye Liner Gel 時送既，佢係旅行版或者你可以叫做迷你版 ，出街或旅行時就最方便，而且佢都唔比BB既差架，都係好容易劃到條好靚又幼既眼線! 咁多支之中，最Like佢!

8. Benefit - Eye Liner
又係睇人地YOUTUBE 中毒而買既，初時覺得佢既設計應該係會易D劃，但係原來佢錯在個筆頭D毛唔好用，又係劃左出黎好粗，所以一早比我打左入冷宮，用到無晒掃先至會用佢!

另外要洗乾淨支掃又真係只可以用MAC支 Brush Cleanser，其他平日上粉既掃，用洗頭水之類既東西可以洗乾淨，但係一用eye gel既掃就好似洗極都唔乾淨，只係用番支Mac先得!

用佢洗都易，因為我係將D cleanser 倒上棉花 (我係用無印一塊可以meet開4-6層果隻)，然後就係咁掃係咁掃，掃到支筆唔再劃到黑色野出黎為止，水都唔駛過，真係又快又方便!