【保養】Aesop 出血了!

係啦，出了血，很懷念這個曾經是我最喜愛既保養品牌子，而且也可能是我放產假之前既最後一次出血，而且近日真係天氣開始有秋涼，要同皮膚做好保濕既準備，因為日夜溫差都會大左，所以要用番D滋潤D既產品架啦，所以特別出力的去出血!

Parsley Seed Facial Cleanser 200mL $440

B & Tea Balancing Toner 200mL $405

Oil Free Facial Hydrating Serum 100mL $470

Parsley Seed Anti-Oxidant Serum 100mL $495

Parsley Seed Anti-Oxidant Facial Treatment 15mL $450

B Triple C Facial Balancing Gel 60mL $870

Mandarin Facial Hydrating Cream 60mL $350

Chamomile Concentrate Anti-Blemish Masque 60mL $380

今次買既產品有D其實以前都用過，都真係幾好用，特別係個 B Triple C Facial Balancing Gel，我好記得果陣時用左一排，我個妹問我用緊咩，D皮膚好左咁多，佢可以平衡膚色，希望佢既奇蹟可以再一次發生係我身上啦!

另外2支 Serum (Oil Free Facial Hydrating Serum / Parsley Seed Anti-Oxidant Serum) 都係用過既，我起碼用過3支以上! 用佢地之前，我係用開 Skin Ceuticals B5 Gel，好鬼貴，咁後尾就轉左黎兩支serum， 第一佢地比Skin Ceuticals 平一半，但係質地同效果都一樣，所以我就轉左會啦!

Oil Free Facial Hydrating Serum 會啱夏天用多D，因為佢薄身少少，而Parsley Seed Anti-Oxidant Serum 就潤D，但係兩者既感覺都十分滿意，我早上因為要化妝，所以就算冬天都可以用支Oil Free，夜晚就用番支Parsley Seed 咁就啱啱好! 

支Parsley Seed Anti-Oxidant Facial Treatment 我就以前未用過，我用過支 Demascan Rose Facial Treatment，一路以來我都好少用油，因為以前一上油就爆瘡，不過之前冬天用黎支油就無出事! 今次去買時，因為宜家天氣仲好熱，所以位BA介紹左支Parsley Seed 既油，可以加佢入B Triple C，咁夜晚就可以連serum都可以慳埋! 支Parsley Seed 精華油可以為皮膚深層保濕，而支大馬士革玫瑰精露就會再潤D同可以舒緩同穩定皮膚既! 或者下次會再買埋佢!

其他今既產品我都未用過，所以試清楚之後再不日報告!