都唔記得用左幾多支了! 年中有時會發神經走去買眉粉，不過咁多年來，最好用 (即係最防油唔易甩色) 既劃眉用品，就真係只有佢!
我既頭髮顏色都係比較深，又唔會整太淺既顏色，所以我喜歡條眉劃番深少少，又唔駛咩韓色粗眉 (我個人覺得真係接受唔到粗到好似條蟲既眉，但係好多人自稱韓妝果條眉又真係粗到...大佬，真係小虎眉都無你咁粗!)
我用既係Hard Formula，支筆有一大堆日文，我只係可以見到佢寫#6，我估係個色系卦! 不過次次買都係叫BA同我簡都無錯過!
唔記得幾錢啦! 不過一支用成年都用唔完，我唔會拎番去比佢批尖同扁，因為我覺得無需要一定要好扁先劃得好個眉形，所以只係用一般既筆炮，大約一星期炮一次都好足夠，因為佢都會乾，一星期炮一次，支筆就會好好劃架啦!
我都無諗原來真有東西我咁長情，數數下由開始化妝到宜家都係用緊佢，十X年啦!
沒有留言:
張貼留言