【保養】我最推介既Origins 產品 - Make a difference Plus 系列

Origins 既產品，我都用過好幾條Line 既! 今次講少少以前用過既心得後，再推介我最喜愛既 Origins 系列... (係呀! 成條Line 都推，死未!)

紅景天草本緊緻系列 - 早年用過支Eye Serum，佢有小小藥材既香味，真係怪怪的! 但係佢又真係有即時收緊既感覺，眼部既皮膚會FEEL到緊緻既感覺! 好勁! BUT sorry again，我唔茶eye cream 或 eye serum所以用完就無回購啦!

靈芝菇菌健膚系列 - 用過Lotion (即爽膚水)同 serum，同紅景天系列一樣係有好大陣藥材既味道，不過今次黎個系列就係主要針對敏感皮膚，所以相對地好彩我既皮膚都比較穩定，用黎一個系列就唔太大見到有明顯既分別!

白茶美肌系列 - 用過支洗面咋! 無咩悪評但係又唔係好用到要回購!

肌膚再生修復系列 - 回購最多既就係罐 Make a difference Plus Rejuvenating Treatment，前後用左4罐，對於一個咁花心既胖媽來講，佢都真係好得我歡心架啦! 以前我好鍾意將佢溝入粉底去用，可以令皮膚上左妝之後保濕好D!

宜家我因為有我上妝既holy grail，都唔多要mix粉底去保濕防溶，但係天氣又一時乾燥一時熱到溶左既時候，我夜晚會可以用佢當sleeping mask，茶厚少少，皮膚第朝早就可以飲飽水，漲卜卜咁! 同埋仲會好滑架!

黎2支就係買野時，BA比我試既SAMPLE，順手做埋Review。
支爽膚水大約有7mL，有用過做 Toner Mask，有試過只係用作平日既routine，真係幾保濕同Smoothing，真係好LIKE，但係手上佢有xxx咁多支 Toner要清，結果只係以放佢係慾望清單上，等D野清咁D先入手! I will be back for you!

支保濕精華都一樣好用，而且好容易比皮膚吸收到，又唔會油林林，可見佢真係可以同皮膚保到濕!

Same，佢都入左我慾望清單架啦!

*題外話: 如果一支保濕既東東，你茶完之後無耐就滿面油，我個人意見就係佢保濕既功夫未做得好，令底層既皮膚仲以為你未夠水份既再標油保護皮膚!

所以黎個系列對於我來講真係配合到皮膚既需要，所以，我會回購既!!! 好肯定! 哈哈!