【潔面】Nars 既替代品 - YSL TOP Secret Eye Makeup Remover

我都搵得耐啦，自從 Nars 改左formula之後，真係可以乾乾淨淨咁抹乾淨用 gel eye liner 劃既 eye makeup remover 就得番 Chanel ，好彩都比我搵到你!

佢同 Nars舊既 eye makeup remover  一樣，都係粉藍色，都係有2層既，不過一D都唔油，係爽身既!所以用佢唔會有盲眼既情況出現！而且佢都可以好乾淨咁抹乾淨用eye gel 劃既眼線，其實真係好多落眼咀既落妝係落得好唔乾淨架，沖涼前抹左，沖完涼隻眼又黑晒咁出泥，問你怕未? 希望你唔好咁快改formula!

【保養】 Philosophy Body Wash - Amazing Grace

係，我自問係一個購物狂，有時仲係一個好喜歡試新野既購物狂。

如果有係Y-BLOG跟開，知道我今年年中係美國QVC網購左一堆 Philosophy 既產品返來，其中有一部份係 Body Wash，到宜家只係用完其中一支，就係 Amazing Grace，佢本身係粉紅色既，陣味好自然，用完係好舒服既感覺，都真係好難形容添! 

不過佢都保濕既功效就爭少少，夏天用可以既，冬天就要加番 body cream 會好少少!

宜家其係佢都come back to HK market 所以如果有興趣可以去買支黎試下，我大推架!

【尋香記】Tom Ford & Chanel

老老實實，有左小朋友之後，香水都用少左，因為茶得太多又怕佢地聞到有敏感，而且加上我老闆又有鼻敏感，連返工都茶少左，不過野都依然照買既!

而且仲買親都係大支，今年既入貨就係Tom Ford 既 Neroli Portofino，鬼叫佢係橙花味咩，一聞到就即時決定買啦! 但係老實佢既 long lasting 就爭少少，未有支 Chanel 咁勁!

其實我之前都買過支比老公 for 舊年既聖誕禮物架 Italian Cypress 好特別既木味，佢就同我講好 long lasting keep 到成日喎!

另外手上用緊另外一支 Chanel 既香水，Gardenia 買左支成200mL  用極都唔完有排用，不過問心佢陣味又比平日既 Chanel 又係有D唔同，記得好似要成3千幾...OH 價錢既野，唔記得LU!

【精華】真心好用...冬日篇

都入冬了，係時候要整理下冬天用既精華今次介紹既幾支都係真心覺得好用，而且日後仲會回購既例子來架!

1. Domohorn Wrinkle Vital White Essence

$1000 / 30mL

以前買左佢既基本四點時入手既，真係好用，冬天夏天都可以用，雖然美白既效果唔係好快見效，不過你用完一支就可以見到皮膚有透白左既效果架啦，而且佢又可以保持皮膚既柔軟同彈性，又容易吸收，陣味又幾好聞，精華佢都算係咁!

2. Exuviance Vespera Bionic Serum

我唔記得幾時買架啦! 佢同Aesop都係B5既替代品，因為支 Skin C B5 用用下好似越來越稀，所以就去搵左黎2支番來!

Exuviance 支野有收緊既效果既，真係不錯...用完第朝又係有軟軟熟熟既效果，大愛!

3. Aesop Oil Free Hydrating Serum

$470 / 100mL

至於黎支，茶上面，推兩推，就可以吸晒入皮膚入面，跟住皮膚就好乾爽，可以直接上粉化妝返工，而且又唔會出擦膠碎，又係Good!

 4. Shiseido Bio Performance Super Corrective Serum

$720 / 30mL

又係一個幾特別既糊華黎既! 佢係cream狀既，茶上去又係好快吸晒，而且仲唔立既，好好用!

原來我既中文都幾差，因為咩都係好，同好好用!

【潔面】有咩存貨一次過show 晒

係呀有心盤點下手上有咩既潔面產品，等見到有咩新野想試時可以停一停，諗一諗!

不過我諗效果都係不大，我平均可以個半月可以KO一支洗面膏既，所以手上面點都有D貨既!

以下係用過既產品:

Philosophy Purity Made Simple

有睇開我既Y BLOG既，都知我今年有係美國網購一D Philosophy 既產品，佢地最出名既 Purity made simple 就係其中一個我用過又可以成功留係我每日既 routine既產品!

我最鍾意佢陣味，有D似 Gamila Secret ，而且我覺得佢好 mild，但係又可以洗得好乾淨同唔立!所以我當時入左2支1L既貨，都覺得入得好!

我每日都早晚先用佢洗面，早上就可以淨用佢就得，因為早上塊面最多咪係油，唔會太烏JOE既! 夜晚就用完佢，面上九成既彩妝都洗走左架啦，跟手再用洗面膏加Clarisonic  再洗一次 就OK!

Shiseido White Luncent Brightening Cleansing Foam
早前買野收左支試用裝，用落都幾好，所以買野時都入多左支，對於我，我都鍾意用泡洗面既感覺，所以可以起到好密既泡都大部份時間可以入我既 shopping list! 至於乾唔乾，可能我洗完會做番一大輪護膚既程序，都好少有洗面用完會我覺得乾到接受唔到!

Covermark Mineral Wash
用左一支貨裝架啦! 第2支黎架，佢可以打出好密既泡泡，而且支野都好似用得耐D，可能佢既洗面膏既 texture比較密，真係唧少少就夠，唔同早前用過支 SK II Facial Cleanser 真係用唔夠一個月就KO左，因為支膏越用越稀，所以會越唧越多就好快用晒! 而黎支 Mineral wash 真係用左成個幾2個月先至用得晒!

Tom Ford Purifying Gelee Cleanser

早前睇人地介紹去買既，用落麻麻地，潔面既功效又唔夠，洗完塊面會仲有少少粉底，係保濕既，不過佢陣味好膠，好難聞，真係接受唔到，要快D 用完佢費時眼 Yuen!

雪肌精洗面粉

宜家手上用緊既係送既樣本，大約有20g，不過真係用落好喜出望外，唔乾，一D都唔乾，D泡好密，唔用起泡網都妹密，用左簡直好似用 cream洗面好柔軟，一定會回購貨裝!

Kanebo SuiSai 酵素洗顏粉

話說我係香港既日本水貨鋪買左2盒來玩，一盒有32粒，盛為$189，即要成$6蚊一粒！咁貴，但係又覺得好用，想keep住用，咁就擔粗粗上淘寶淘。

淘左番來，因為國內係有專櫃既，盒野其實同香港既日本水貨一模一樣，只係背脊加多張簡體字既產品介紹，其他都一樣既，連埋運費都只係人仔$95，都係HK$3.6一粒，平左咁多咪可以keep住用囉!

未用過既洗面，等緊去試!

【保養】雪肌精

我大約用左這個東西有一年左右，的確佢既美白功能真係無其他牌子可以有佢咁快可以見效!
不過大前題係你要忍受佢果陣好怪既味道同酒精既敏感! 就算係 mild D 既 Supreme Line ，陣味都仲有既，但係我真係好滿意佢出黎既效果!

至於用法，我都係用佢黎濕敷，如果用作日常化妝水既一步，我就覺得佢真係乾左少少，不過如果用作濕敷，先打底，即係上左 cream 或者精華打底，再敷化妝水面膜，一星期敷兩至三次，真係黃面婆都變白雪雪!

真係堅架!

【彩妝】My Makeup Holy Grail

這一套化妝程序都用左差不多大半年，從來都未有咁滿意既效果，相信都不是皮膚既功勞，主要都係支Sofina Primavista Long Keep Base真係啱我既皮膚用，因為佢配咩既粉底都有同樣既long keep 效果，所以今次決定將我近大半年既底妝用品同程序介紹一次!

1. 打底
Sonia Rykiel Treatment Makeup Base / YSL Top Secret Flash Radiance Skincare Brush
Origins Make a difference Plus Rejuvenating Treatment / SK II Makeup Base 或者有時趕時間會skip 


用左支 Sonia Rykiel 支 makeup base，化完出黎既妝會有一種自然既光澤既，皮膚會自然地發光既，佢本身係有少少閃粉，不過真係tiny到好細好細，所以塊面都唔會變disco ball! 而佢都有少少保濕既效果既，北風唔起都可以用佢!

如果天氣比較乾燥既話，我就會用YSL或者用Origins，都可以幫皮膚lock住水份! 用YSL就可以直接用埋佢個brush直接上面，因為都係自己一個人用，耐不耐用有酒精既棉花clean up，就可以。如果用 Make a difference，有兩種方法，一係好輕手咁薄薄咁茶，一係可以用化妝前抺化妝水果塊仲濕濕地既棉花，將 D cream 掏上棉花再係面上打圈，即係好似打車蠟咁，我就最鍾意用咁既方法，係天氣比較乾既時候真係好work架!

天氣熱時，就睇下要唔要加防曬，如果唔係我大部份既時候都係會skip左黎一part!




















2. 控油
Sofina Primavista Long Keep Base

其他每一個環節，其實一定都有其他產品可以替代既，不過控油黎一步就一定一定要用佢，除左可以控油之外，亦可以令粉底唔會日中就變色，這一個都係好重要既環節，因為有好幾支粉底比我同佢say 拜拜既原因就係日中就變色! 用大約用5毛子份量就可以，一支25mL大約可以用3個幾4個月，真係物超所值架! 而且成個妝好唔好，真係用左佢就唔會變黃同化晒，this is the most important step!










3. 粉底

Armani Maestro Foundation / YSL Le Teint Touche Eclat Illuninating Foundation / Covermark Justme Essence Foundation Liquid

Armani 同 Covermark 都 Coverage 差不多，本身都係好水狀既，不過可以推疊加強 Coverage，不過如果計包裝，我會用支Covermark多D 因為佢一唧出黎就用得，支Armani 又要扭支管再唧出黎，早上趕時間，又怕打爛支玻璃樽，真係煩左少少，但係佢果隻好特別既finishing 又真係其他牌子做唔到既。 YSL比起想黎就厚少少，但係整體上佢都係容易推開又好貼既粉底，我本身都只係想膚色均勻一D，所以用佢地都幾足夠架啦!

PS: 用過Kanebo Impress / Cle De Peau / Bobbie Brown / Chanel / Makeup Forever / IPSA
都係比我黎類油面人用都可以，都值得推薦既粉底來既!








4. 遮瑕
Cle De Peau /  Bobbie Brown Long Wear Eye Base /  Covermark Bright Up Foundation

又係真係好勁爆又或者身痕先至要加遮瑕膏既! CDP真係用左好耐都用唔晒，要遮勁野一定要用番佢! 平日想遮好D個眼袋既話，用BB同 Covermark 都 ok! 另外鼻翼果D紅位，Covermark就遮得最好，不過其實如果用支好既掃，例如 Sigma 既 P82 之類都可以用粉底推疊遮左佢，咁就可以唔一定要用遮瑕膏既方法之一黎既!

5. 胭脂
Nars #Deep Throat #Orgamsm #Angelika #Desire / Benefit Benetint

如果想D胭脂可以無咁易甩，可以係上碎粉之前，即係茶完個粉底就可以上架啦，而且仲可以避免到上得太紅既情況，因為咁樣一定會無咁深色既! 

Nars真係出色到無朋友，以前買落好多盒，上次搬屋同一大堆say byebye，宜家手上只係淨番幾盒，不過都好難可以用到見底...近月黎用緊既係 Deep Throat.









6. 定妝
Covermark / Albion 

Covermark 比 Chanel更加好用! 本身用Chanel都有好幾年，今年就轉左用Covermark，佢並不是比Chanel 平，只係佢既定妝效果更加好! 

如果我想個妝自然D，會用碎粉；如果想 coverage好D同Last得耐D，就會用粉餅，即係Albion ，注意係要用Mac #109上就會遮得勁D同我自己就可以keep足8小時都唔駛補，用番一般既碎粉掃就會自然D架啦，不過就只可以維持5小時左右啦! 所以如果放假就係用碎粉，返工就會用粉餅!

盒Albion 係4年前買落架啦，哈哈我都唔明點解我仲用，PS: 我手上有5盒粉餅等住... (YSL / IPSA / Lancome / Tom Ford / CoverMark)

7. 劃眉
Shu uemura Hard 9 #6 Brown #9 Seal Brown

原來我有兩支唔同架，一支#6係深啡，另外一支#9係灰啡，其實真係睇唔出咩分別架!不過最重要都係我有定時去比人修下條眉，否則用咩劃都死!


8. 眼線
Bobbie Brown Gel Eye Liner #Sepia Ink / Espresso Ink / Granite Ink
我已經完全放棄用筆，因為真係化到無朋友，宜家用左GEL，真係無咩點甩，只係如果茶內眼線就有少少少，不過如果只畫外眼線既話，十多小時係完全無問題既!
題外話，Gel Eye Liner 唔可以買咁多係手，因為佢地真係會乾，同用佢地既時候，打開左個蓋時，了左D Gel 出黎，然後就要返轉佢，如果唔係因為你唔係了一下就劃完架嗎，了完一下，唔返轉佢放，咁盒野就好快會乾晒，一路劃時都返轉放就可以盒Gel 放耐 D架!

9. 唇膏
Elizabeth Arden Eight Hour Cream 

先潤唇，之後用咩就睇心情啦! 都係一件我十分長情既用品，有十年架啦，真係好好用，一定要有一支放係手袋旁住出街，有咩事個咀敏感同乾，一茶左就OK晒!

基本上咁就可以靚靚咁出街啦! 最快時候大約係10分鐘左右啦! 差不多架啦!

【保養】Chanel Sample Review

我有時耐不耐就要幫D朋友去掃Chanel Sublimage 條Line 既野，買親就八千至一萬蚊先落得樓，所以D BA 都會比幾多sample我既，所以又儲埋左一堆，咁又拎出黎試用下啦!

Whitening Concentrate Continuous Action (TXC)
太香啦，接受唔到，而且又只係得少少sample 又見唔到佢有幾美白既效果! No No No!

Sublimage Serum
仲大陣香味，而且我真係唔多覺得係好聞既香味，又怕佢會令皮膚敏感，用左一次就Bye Bye，sorry 真係比唔到意見! (不過支原版好似要成三千幾，真係貴婦級先用，我係窮人用唔起，幾好用都唔會買架啦 !)

Eye Gel Anti-puffiness / dark circles
又多個sorry，我用佢黎抺我 D 溶左既眼肚咋! 係呀，之前用眼線筆，一到中午就去左海洋公園搵安安同佳佳，我唔想眼肚既皮膚太拉扯，所以我會用輕身既cream，例如這個eye gel加棉花棒去抺眼肚，又可以清理到D眼線，個眼肚又唔會太乾!
但係 Other than That，我真係唔多用eye gel，so sorry never see you again la!

【工具】我的修眉經驗

其實數數下我都試過好幾間品牌既修眉服務，有好有唔好，做番個少少既Review。

Bobbie Brown
幫親左好多好多年，由尖沙咀Faces到銅鑼灣Sogo，都用左好多年，其實係最穩定既服務，每一次都修得好好，不過近年佢地改左policy，又要指定修眉師，又成日都約唔到時間，麻鬼煩，但係到最尾佢又算係最好既一間既!

Shu Uemura
服務好唔穩定，我用左好多次先至比我預到一個比較好既修眉師! Time Square LC 有位叫 Rachel都修得幾好，我會推薦搵佢!

Benefit
佢就同一般既修眉有少少唔同，佢係用蠟既，而且仲係男修眉師，而且佢都無package既，價錢好似係$150一次，比起其他既品牌都其實都差不多同一個價位，所以佢又唔算太過份! 只不過用完蠟修完之後又唔可以做美白，但係佢標榜可以last得耐D，修過一次，又真係好似 D小雜毛生得慢 D，而且我覺得修得好似乾淨 D，所以我用完Shu Uemura package 會轉會去Benefit!

基本上幾間既價錢都係$150一次，所以真係只可以用服務質數去定勝負，所以真係靠D修眉師好唔好架!

【保養】Giorgio Armani Bright Primer Essence in lotion

又係比sample人地拎番屋企用到要買貨裝既例子!

之前係Y!輕輕咁介紹過，佢係一支有美白效果既厚身化妝水，如果你真係皮膚好乾既時候，可以用佢做救急 toner mask，佢既質地同 Erno Laszlo Hydraphel Skin Supplement 差不多，但係講番轉頭，Erno Laszlo又比佢吸得快D架喎，不過GA就有美白，所以都唔同野來既!

我唔記得支貨裝要幾錢啦!用得好既化妝水就OK入手啦!

【保養】Cle De Peau La Cream Review

雖然我只係有小sample，不過都有成3粒，都用左大概好幾個月先用得晒黎三小罐，不能說唔準，但係我自己就有左結論同評估。

佢既質地係厚既面霜，即係一茶完唔夠大半個鐘又會出番油，好明顯佢係比乾性皮膚用既，我這類油面人，真係試一萬次都唔會掂! KO既方法就只係 Toner Mask 打底法，咁就可以用得晒既!

同類型既厚身面霜，唯一可以叫做入宮既就只係有Shiseido Revital Science Cream AAA，不過佢有AAA要等生左先可以用，遲D先可以做Review!

【保養】Kanebo Impress IC White Lotion

Sample Review:

支小樽大約有10mL左右，佢有少少酒精味，不過比起雪肌精佢都算溫和果類酒精味架啦!

佢都有美白既效果，用完都幾爽，係夏天大熱天時用，真係不錯，如果你怕左雪肌精陣強勁既怪味，對酒精有少量容忍，而且希望可以有美白既效果，我覺得佢係一個唔錯既alternative。

要有快既美白效果，可以用以下化妝水做 toner mask:

• 勁快有效果既係雪肌精，不過有酒精味，但係一個星期三次已經可以見效!
• 另外Albion既健膚水都快，而且仲係無果陣怪味，BUT香港無得賣，要去日本或者台灣入貨!
• 少量容忍酒精味既，可以試下Kanebo Impress IC，佢美白既效果大約係雪肌精既一半啦!

至於對酒精少少容忍都無既人，我諗就只可以行精華慢慢來，化妝水做toner mask 就唔啱你啦!

【工具】UUKEE 化妝棉 - 真係要比個Like

早前係淘竇買左D化妝棉花返香港，拎左出黎用，用落又真係幾好用喎! 佢又夠大張，可以一張落晒兩隻眼，另外佢既吸水力都尚可，而且又唔係吸左唔放番出黎，之前用過市面上大部份既化妝棉花都係一就唔識吸既，例如麗的，我已經唔同佢計佢鬼死咁鞋，佢又吸唔到化妝水既，咁不如唔用佢用手拍上面咪仲好! 另外一D化妝棉，又係例如好多人推既萬寧牌，係軟熟好多，又吸多左水，不過佢中層咁死厚，咁又唔識放番D化妝水出黎，索左係中層又有鬼用咩!

今次買既唔太厚，又吸左化妝水之後又可以拍番佢上面既，所以用落雖然佢比我之前用既LilyBell真係貴，但係一包連運費要港幣16蚊只有60塊，即係一個月既用量都唔夠，但係你又諗深一層，佢比平日用開既LilyBell 貴左一倍，即係一個月用多16蚊可以令你既支起碼幾百蚊既化妝水可以有更多比皮膚吸收到，咁果16蚊又算係值得花多左架啵!

【化妝】Bobbi Brown Blush - Slope

公司上個月底搬，可以放存貨既個人位置少左，所以連屋企都要滕出空間去拎番D野番屋企!

所以屋企又執左一大埋野出黎!

今次搵到既係用左大約4盒既BB blush - Slope!

早年收入未穩定時，用野就好單一，用來用去都係一個牌子，無咩多餘錢四圍去試新野! 我記得以前BB既胭脂係圓形盒仔，比MAC細盒少少，不過盒Slope我都真係用左好幾盒!


















後來佢又轉左用正方形盒，又好似 Shu Uemura 可以自己整盒，不過唔知宜家仲有無了!

圖入面我果盒有2盒係胭脂，一盒係眼影!

Slope - Fresh Pink
Desert Pink - A soft natural Pink 同 Slope都差不多，不過佢比起上黎會明顯少少!

我自己都係鍾意 D pale pink既顏色，而且當時我面都仲有幾多暗瘡印，太深既胭脂返宜令 D印仲明顯!

宜家用番同一隻胭脂又覺得淡得濟，所以佢又坐左入冷宮! 但係我會再拎番佢出黎，比多次機會佢既!

【化妝】Benefit – Stay Flawless 15-hour Primer

都係老公果句，唔好亂試新野! 今年我最好既大發現就係買左Sofina Primavista Long Keep Base，但係都係心思思見到新野都忠個頭去試下既胖媽，今次又係撞左板。

佢既packing係好似牙膏既轉出黎既，另外仲有一個少既透明蓋吸住，所以佢既packing 都真係設計得幾好架，茶上面係唔駛整污joe隻手既! 佢係皮膚色，茶上面又好似變透明，幾得意架!

BUT佢既產品就…可能用過神級產品，始終佢既持久度比Sofina又差左D，而且皮膚都會係日中出現暗沉既，大約可以維持4-5小時，15小時就唔得啦!

佢都未算係Sofina既對手!

【工具】我的化妝掃

早前寫左支我平日最鍾意用上碎粉既Mac #109，不如成盤化妝掃拎出黎傾啦!

其實我真係好鬼死多心，同鍾意買野，有時D野多到連我自己都頂唔順!

我手上面真係有好多支不同樣既化妝掃，有時癲起上黎一款有2支都有好多例子。我老公仲係我男朋友時，第一次上我屋企見到咁多掃，佢初時仲以為係畫筆，同咩黎個女仔咁好文藝修養，哈哈哈! 我D掃多到要用個筷子筒先放得晒!


因為真係太多，我只係想講下有幾支幾特別既掃!







1. 陪左我差不多十X年既化妝掃
胖媽早早年係Shu Uemura既super fans，所以一定有佢既化妝掃，黎幾支大大話話都買左十幾年，到宜家都仲係好好用，而且仲未甩頭甩髻! 雖然當年真係買時幾肉赤，不過你又諗番用左咁多年都仲支爛，咩都抵晒啦!

支唇掃我就鍾意用佢查唇膏同唇彩，唔會咁易查出界，我支唇掃個身仲係舊裝既黃色架，宜家D係黑色架!

不過近年買既SHU 掃既質量就好似差左D，早幾個月買左支大既碎粉掃，十分之鞋，又唔好用而且第一次洗既水係黑色既，所以我想佢D野真係差左D!

2. 上濕粉極好用既掃
近3年先至出現既Synthetic brush，都用左好幾代
，最早係Mac出先既，不過我就覺得又係比D You Tube Vlogger 導左，MAC果幾支都唔多好用，上到面又有痕，一層層查上去又會太厚，所以好失望。好似係舊年 Sigma Brush 出左幾支 Synthetic Kabuki Brush，佢地就改良左，成件事又唔同晒，我就花多少少時間同大家介紹下。

Sigma Synthetic Essential Kit 8 Brushes
(官網定價: USD117)

F80 - Flat Kabuki™: Application of liquid or cream products to flat areas of the face such as the forehead and cheeks.

F82 - Round Kabuki™: Blend mineral products onto the skin.

F84 - Angled Kabuki™: Buff cream blush or bronzer onto the skin.

F86 - Tapered Kabuki™: Apply cream and liquid foundations onto the harder to reach contours of the face.

P80 - Precision Flat™: Stipple concealer on sun spots, blemishes, and other small imperfections.

P82 - Precision Round™: Apply eye shadow base or primer onto the lid.

P84 - Precision Angled™: Apply product to areas such as the sides of the nose and the hollows of the cheeks.

P86 - Precision Tapered™: Exact placement of concealer in harder to reach areas such as around the eyes and nose, chin, and around the mouth. 

我手上就有這個Kit入面其中幾支!

用黎隻新款上濕粉真係好好用，有時我連濕粉前既Primer都係用佢黎上! 可以上到一個好Even既底妝，而且仲唔會整烏JOE隻手! 不過要清洗佢都要加倍清洗，因為佢既毛好密，好容易藏晒D粉底係入面，所以真係要過多幾次水去make sure真係洗乾淨，我就試過太眼瞓求其咁洗，結果乾左都仲見到個面係有粉底漬! 支F80我就因為佢好用宜買左2支!

另外果2支細支既掃，我就淨係買左2支，P82 / P86，82係圓頭，86係尖頭，用佢地黎上遮瑕膏一流，不過另一方面睇其實就無咩其他作用了!








其他果D掃，大部份都係化眼妝既，都係放埋一邊因為我都唔多茶eye shadow，淨係畫左條眼線清清地就算架啦!

【化妝】YSL 唇膏 Review

之前一口氣買左成4支唇膏，都無好好地影好D相，等你睇下D顏色，今次就補番張相同位短短地做Review。

From Left to Right

Rouge Volupte Shine #10 Chocolate instyle
Rouge Volupte #3 Ultimate Beige
Rouge Volupte Shine#8 Pink in confidence
Rouge Volupte Shine#7 Rose Infinite

雖然 D 顏色係相好似好深，不過上到咀就淺好多，有少少光澤感，而且仲好潤，有少少香味，但係無敏感，而且價錢都十分合理，$240一支，可以有咁既效果同質數真係應該叫抵到爛!

【化妝】Chantecaille Lip Chic # Anais

我又忘記左你，不過你又再出現係…我個化妝包入面啦

我個女每一早一起身，都會玩我放係佢床頭既化妝品櫃，拎晒入面D野出黎玩，如果唔係咁，我黎支已經入左冷宮既Lip stick 都唔會有重見天日既日子!

都大約買左有2年，佢都係我一直都用開既豆沙色，而且仲係帶光澤既，都幾似近日新買既YSL，不過佢比較再自然D，加上我比較深既咀咀，都可以話係同茶左潤唇膏無咩分別! 但係女人就係咁，鍾意茶又唔想比人話太刻意，But I still like this lip stick !

【工具】Mac Brush #109 Mini Kabuki

我自己近日經常用既上碎粉掃就係佢啦!

MAC #109
有很多人都覺得佢係一支Mini Kabuki，真的，它的效能同一支Kabuki也差不多，但係因為一般的Kabuki都好大個，上粉時又容易上多左，而且加上塊面唔大既我，用支mini Kabuki真係好好多，而且少少咁上，又唔會做左粉面人，效果又細緻D，連個妝都可以keep得耐D，真係好好用! 大推!

【保養】YvesSaintLaurent Serum

8月份買既野來架啦，係SOGO出左血，又買左2支精華返黎。開左出黎用一個星期啦，可以做個短評啦!

上次買果2支都係Youth系列既產品，一支係早上用既，Light creator  - Skin Tone Corrector，一支係夜晚用既，Youth Liberator – Liberateur Jeunesse!

早上用支比較薄身，水狀既，用黎妝前係好好，佢既功效係美白為主，能夠平衡皮膚既色素。

夜晚用果支就係用黎 改善細紋同緊緻皮膚，調理皮膚既與素，佢就杰身少少，不過都係好易比皮膚吸收到! 佢同 SK II 支 Stem Power Essence 有少少似，但係就緊緻效果係爭少少啦!

2支都各有各既好處，係天氣轉既時候，保濕先行，而晚上就可以加多少少花款，緊緻都好重要，美白…我今次大肚，面珠登有一少少黑色既色斑好鬼覺眼，不過我會生左之前先去處理，所以我唔再一味介意佢既存在啦，都係茶返D緊緻收復皮膚既精華好D!

最後，其實用落都無咩特別，平又唔算平過人，效果唔太突出，所以用完就算!